2025 жылдың қараша айында  ҚР премьер-министрі Олжас Бектенов Батыс Қазақстан облысына жұмыс сапары аясында бірқатар индустриялық және әлеуметтік инфрақұрылым нысандарын аралады.
Орал қаласында ҚР Үкіметінің басшысы «QazExpoCentre-Pipe» және "Кублей" ЖШС отандық кәсіпорындарының қызметімен танысты. Осы компанияларды мысалға ала отырып, инвестицияларды тартудың, сондай-ақ цифрлық технологияларды өндіріске енгізудің маңыздылығы атап өтілді. ҚР Премьер-министрі мұндай жобалардың мемлекет Басшысының Жолдауын іске асыру үшін түйінді маңызы бар екенін атап өтті.
"Кублей" ЖШС аумағында ҚР премьер-Министрі ет өңдеу саласын дамыту нәтижелерімен танысты. Кәсіпорында ауыл шаруашылығы жануарларын сою және қайта өңдеу бойынша заманауи кешен жұмыс істейді. Компания жартылай фабрикаттарды, консервіленген өнімдерді шығарады және 700-ден астам қызметкерді жұмыспен қамтамасыз етеді. Ассортиментте-бүкіл ел бойынша сатылатын, сондай-ақ БАӘ, Қытай, Түркия, Ресей, Қырғызстан, Түрікменстан және Өзбекстанға экспортталатын өнімдердің 200-ге жуық атауы бар. Жоспарда - 20 мың ІҚМ басына арналған бордақылау алаңымен өз жемшөп базасын құру. Жұмыс сапары барысында Олжас Бектенов мұндай жобаларды іске асыру өңірдің экономикалық дамуын ынталандыратынын, жаңа жұмыс орындарын ашатынын, азаматтардың табысы мен өмір сүру сапасын арттыратынын атап өтті.